User: Sonu

Waade Koi Adhoore Na Jayenge
Waade Jo Kiye Wo Hum Nibhayenge
Saath Denge Tumhara Zindagi
Bhar Tumhare Liye Hum Har Rah Se
Guzar Jayenge.. Happy Promise Day.

Ishq Toh Bas Mukaddar Hai Koyi Khwab
Nahi, Yeh Woh Manzil Hai Jis Mein
Sab Kamyab Nahi, Jinhen Saath
Mila Unhen Ungliyo Par Gin Lo,
Jinhen Mili Judai Unka Koyi Hisab Nahi.

Koyi Kab Tak Mahaj Soche, Koyi Kab Tak
Mahaj Gaaye, Ilahi Kya Yeh Mumkin Hai
Ke, Kuch Aisa Bhi Ho Jaaye, Mera Mehtaab
Uski Raat Ke, Aagosh Mein Pighale, Main Uski
Neend Mein Jaagu Wo Mujhme Ghul Ke So Jaye.

Kuchh Umar Ki Pehli Manzil Thi, Kuch Raste
The Anjan Bahut, Kuch Hum Bhi Pagal The
Lekin, Kuch Woh Bhi The Nadaan Bahut,
Kuch Usne Bhi Na Samjhaya, Yeh Pyaar
Nahi Asaan Bahut, Aakhir Humne Bhi
Khel Liya Jis Khel Mein Tha Nuksaan Bahut.

Maine Kab Tujhse Zamane Ki Khushi Maangi
Hai, Ek Halki Si Mere Lab Pe Hansi
Maangi Hai, Saamne Tujhko Bithhakar
Tera Deedar Karoon, Apni Aankho Mein
Basaa Kar Koyi Ikraar Karoon, Jee Mein
Aata Hai Ki Jee Bhar Ke Tujhe Pyaar Karoon.

Nazar Mein Shokhiyan Lab Par Mohabbat Ka
Fasana Hai, Meri Ummeed Ki Zad Mein Abhi
Sara Zamana Hai, Kayi Jeete Hain Dil Ke
Desh Par Maloom Hai Mujhko, Sikandar
Hoon Mujhe Ek Roz Khaali Haath Jaana Hai.

Sukun Milta Hai Jab Unse Baat Hoti
Hai, Hajaar Raaton Mein Woh Ek
Raat Hoti Hai, Nigah Uthakar Jab
Dekhte Hain Woh Meri Taraf, Mere
Liye Wohi Pal Poori Kaaynat Hoti Hai.

Mohabbat Ek Ehsaaso Ki, Pawan Si Kahani
Hai, Kabhi Kabira Diwana Tha, Kabhi Mira
Diwani Hai, Yaha Sab Log Kahte Hai Meri
Aankho Me Ansoon Hain, Jo Tu Samjhe
To Moti Hai, Jo Na Samjhe To Pani Hai.

Naya Yeh Daur Hai Lekin, Wahi Kisse Purane
Hai, Mohabbat Ke Zamane The, Mohabbat
Ke Zamane Hai, Mere Geeto Mein Jo
Tumne Sune Yado Ke Kisse Hai, Mohabbat
Ke Taraane Toh Abhi Tumko Sunaane Hain.

Main Alfaz Hun Tera Har Baat Samajhta
Hun, Main Ehsaas Hun Tere Jazbaat
Samajhta Hun, Kab Pucha Maine Ki
Kyun Door Ho Gai Mujse, Main Dil
Rakhta Hun Tere Halaat Samajhta Hun.

Bas Aur Do Kadam Mere Saath Chalna
Yaaro, Us Se Aage Main Khud Tumse
Bichhud Jaaunga, Aage Intezaar Kar
Rahi Hai Mahbooba Mout Meri, Uske Sath
Main Khud Tumse Aage Nikal Jaaunga.