User: Falak

Pehle Education Se Tum Mod Diye
Jaoge, Fir Kisi Jurm Se Tum Jod
Diye Jaoge, Haath Se Haath Ki
Zanjeer Bana Kar Niklo, Warna
Dhaage Ki Tarah Tod Diye Jaoge.

Har Taraf Zulm Ki Saazishey Hain In Se Bachne
Ki Gar Khwaishey Hain, Sirf Education Hi Hai
Sahara Aur Koi Sahara Nahi Hai, Dard Me Dub
Kar Aaj Maine Tum Ko Awaz Di Mere Yaaron,
Itni Shiddat Se Maine Kisi Ko Aaj Tak To
Pukara Nahi Hai, Bin Padhe Ab Guzara Nahi Hai.

Pee Sako Jitna Peena Ho Tum Ko Illiteracy
Se Behtar Yahi Hai, Ye Samundar Hai Education
Aur Talent Ka Iska Pani To Khaara Nahi Hai,
Padhne Likhne Se Sab Kuch Banega Daur E
Present Bhi Aur Future Bhi, Kab Talak Roote
Roote Kahoge Daur E Present Hamara Nahi Hai.

Waqt Ki Ye Jarurat Samjh Lo Bin Padhe
Ab Guzara Nahi Hai, Na Koi Rehnuma Na
Hukumat Koi Bhi Ab Tumhara Nahi Hai,
Tum Padho Aur Padh Kar Likho Sab Warna
History Badli Milegi, Ab Pen Aur Paper
Se Badhkar Dusra Koi Chaara Nahi Hai.

Mudd Mudd Ke Tumhara Raste Me Takna Wo
Mujhe Jate Jate, Aur Mera Thithak Kar Ruk Jana
Khidki Ke Kareeb Aate Aate, Nazron Ka Taras
Kar Reh Jana Ek Aur Jhalak Paate Paate, Beete
Din Yaad Dilaate Ho Beete Din Yaad Dilaate Ho.

Ro Ro Ke Tumhe Khat Likhti Hu Aur Khud
Padh Kar Ro Leti Hu, Halaat Ke Tapte
Tufaan Me Jazbaat Ki Kashti Kheiti Hu,
Kaise Ho Kaha Ho Kuch To Kaho Mai
Tumko Sadayen Deti Hu, Mai Jab Bhi
Akeli Hoti Hu Mai Jab Bhi Akeli Hoti Hu.

Barsaat Ke Bheege Mausam Me Sardi Ki
Thandi Raaton Me, Pehro Wo Yuhi Baithe
Rehna Hathon Ko Pakad Kar Hatho
Me, Aur Lambi Lambi Ghadiyon Ka
Katt Jana Baaton Baaton Me, Beete Din
Yaad Dilate Ho Beete Din Yaad Dilate Ho.

Baalon Ko Sukhane Ki Khatir Chatt Par
Wo Mera Aa Jana, Aur Tumko Samne
Paate Hi Kuch Sharmana Kuch Balkhana,
Humsayo Ke Darr Se Katraana Ghar
Wale Darr Se Ghabrana, Beete Din Yaad
Dilaate Ho Beete Din Yaad Dilaate Ho.

Mastana Hawa Ke Jhonkon Se Har Baar
Wo Parde Ka Hilna, Parde Ko Pakadne
Ki Dhun Me Do Ajnabi Hatho Ka Milna,
Aankhon Me Dhuaa Sa Chaa Jana
Sanson Me Sitare Sa Khilna, Beete Din
Yaad Dilate Ho Beete Din Yaad Dilate Ho.

Muskurahaten Lab Pe Aankhon Me Nami Si
Hai, Zindagi Me Sab Kuch Bas Aap Ki Kami
Si Hai, Mai Jab Bhi Akeli Hoti Hu Tum
Chupke Se Aa Jate Ho, Aur Jhaank Ke
Meri Ankhon Me Beete Din Yaad Dilaate Ho.

Aaj Dil Pe Koi Zor Chalta Nahi,
Muskurane Lage Thay Magar Ro
Pade, Roz Hi Ki Tarah Aaj
Bhi Dard Tha, Hum Chupane
Lage Thay Magar Ro Pade, Ro Pade.